People in Need (PIN)-ը միջազգային հասարակական կազմակերպություն է, որը 1992-ին ստեղծվել է Չեխիայի Հանրապետությունում և իրականացնում է մարդասիրական ու զարգացման երկարաժամկետ ծրագրեր ավելի քան 30 երկրում:

PIN-ը Հայաստան էր ժամանել մարդասիրական նախաձեռնությամբ՝ Սպիտակի ավերիչ երկրաշարժի ժամանակ, երբ հիմնադիրները պաշտոնապես դեռևս չէին գրանցել կազմակերպությունը:

Տարիներ անց՝ 2003-ին հիմնվեց PIN հայաստանյան ներկայացուցչությունը՝ աջակցելով համայնքային և գյուղական տուրիզմի զարգացմանը, քաղաքացիական կրթությանն ու երիտասարդների հզորացմանը, միգրանտների ինտեգրմանն ու աշխատատեղերի ստեղծմանը: