«ՃԱՄՊՐՈՒԿ 2026» լրագրողական մրցույթն ընդունում է հայտեր

Հրապարակվել է 17 նոյ, 2026 թ. Կարդալու ժամանակը՝ 1 րոպե

ՀՀ Ներքին գործերի նախարարության Միգրացիայի և քաղաքացիության ծառայության, ՄԱԿ-ի Փախստականների գործակալության (UNHCR) և «Մարդը կարիքի մեջ» միջազգային կազմակերպության (PIN) համագործակցությամբ «ՃԱՄՊՐՈՒԿ» լրագրողական ամենամյա մրցույթը կրկին միավորում է լրագրողներին, լուսանկարիչներին և ստեղծագործողներին՝ անդրադառնալու միգրացիայի, ապաստանի, փախստականների և Հայաստանում նրանց ինտեգրման, քաղաքացիություն չունեցող անձանց և հարակից այլ թեմաների։

Suitcase Media Award 2024
© Foto: Time Production for PIN

«ՃԱՄՊՐՈՒԿ 2026» մրցույթին կարող են ներկայացվել 2025 թ. դեկտեմբերի 11-ից մինչև 2026 թ. դեկտեմբերի 11-ը հրապարակված լրագրողական աշխատանքներ՝ հետևյալ թեմատիկ ուղղություններով․

  • Միգրացիոն գործընթացներ՝ միտումներ, սահմանահատումներ, ոլորտային վերլուծություն։
  • Փախստականներ և ապաստան հայցողներ՝ նոր կյանք նոր երկրում, դժվարություններից դեպի հաջողություն, ինտեգրում ընդունող համայնքներում և մասնակցություն հասարակական կյանքին։
  • Ներգաղթային հոսքեր՝ կացության կարգավիճակներ, միտումներ և ինտեգրում։
  • Աշխատանքային միգրացիա և Հայաստանից արտագաղթ՝ մարտահրավերներ և խնդիրներ։
  • Վերադարձ և վերաինտեգրում։
  • Քաղաքացիություն չունեցող անձինք։
  • ԵՄ-ՀՀ վիզաների ազատականացման գործընթացը, կենսաչափական նոր համակարգը և այլ բարեփոխումներ։
  • Անկանոն միգրացիա դեպի ԵՄ՝ կանխարգելում և հետևանքներ։
«Հայկական Կարիտաս» բարեսիրական ՀԿ-ն այս տարի ևս նախատեսում է խրախուսական մրցանակ աշխատանքային միգրացիայի թեմայով ներկայացված աշխատանքների համար։

2026 թվականը հատկապես կարևոր է «ՃԱՄՊՐՈՒԿ» մրցույթի համար, քանի որ այս տարի նշվում են 1951 թվականի Փախստականների կարգավիճակի մասին կոնվենցիայի 75-ամյակը և 1961 թվականի Քաղաքացիություն չունեցող անձանց թվի կրճատման մասին կոնվենցիայի 65-ամյակը։

Մրցույթին կարող են մասնակցել հեռուստատեսության, ռադիոյի, տպագիր և առցանց լրատվամիջոցների ներկայացուցիչներ, անկախ բլոգերներ, լուսանկարիչներ և մուլտիմեդիա մասնագետներ։

Ուշադրություն։Մրցույթին չեն ընդունվի դրամաշնորհային կամ վճարովի ծրագրերի շրջանակում ստեղծված նյութերը։

Ներկայացված աշխատանքները կգնահատվեն անկախ ժյուրիի կողմից։ Լավագույն հեղինակները կստանան առաջին, երկրորդ և երրորդ մրցանակները։

Աշխատանքների ներկայացման վերջնաժամկետն է 2026 թ. դեկտեմբերի 1-ը՝ ժամը 23:59։

Նյութերն անհրաժեշտ է ուղարկել mcs@gov.am էլեկտրոնային հասցեին՝ նամակի թեմայում նշելով «Ճամպրուկ 2026» և ներառելով հետևյալ տվյալները․

  • Հեղինակի անունը և ազգանունը,
  • Հեռախոսահամարը և էլեկտրոնային հասցեն,
  • Հրապարակման ամսաթիվը և հղումը,
  • Լրատվամիջոցի անվանումը։
Հեղինակ՝ PIN, UNHCR, MSC

Այլ հոդվածներ