Անօրինական միգրացիայի ծանր հետևանքները

Ձեզ ենք ներկայացնում Հովհաննեսի և Սամվելի անկեղծ զրույցները՝ նժարին դնելով անօրինական միգրացիայի ռիսկերն ու հետևանքները։ «Անգլերենի իմացությունն այստեղ բավարար չէ, իսկ ֆրանսերեն սովորելը երկար ժամանակ ու ջանք է պահանջում։ Կյանքը Ֆրանսիայում ավելի դժվար է մեծահասակների համար», - նշում է Սամվելը: Ֆրանսիայում փախստականի կարգավիճակ ստանալու բարդ գործընթացը և սպասվող մերժումը նույնպես մեծ անակնկալ էին նրա համար․ «Ինձ համար ըստ պահանջի ապրում եմ Հայաստանում․ երեխաներս կողքս են, թոռներս կողքս են», - նշում է նա։

 Կարենն ու իր եղբայրը նույնպես աշխատանք գտնելու նպատակով մեկնել էին Եվրոպա: Թեև երիտասարդ սերդնի համար լեզվի խոչընդոտն առաջնային չէր, միևնույն է՝ կարոտն ու սահմանափակ հնարավորությունները ստիպեցին վերանայել իրենց որոշումը։ Արդյունքում նրանք վերադարձան Հայաստան՝ իրենց կյանքի կազմակերպման համար նոր լուծումներ գտնելու համար: «Երբ նայում ես շուրջդ, հասկանում ես, որ ոչինչ քեզ չի պատկանում: Հնարավոր է՝ մարդիկ տարիներ անցկացնեն արտասահմանում և հասնեն նյութական բարեկեցության, բայց արդյո՞ք դա է իսկական երջանկությունը», - կիսվում է Կարենը: Այս պատմությունները ևս մեկ անգամ հիշեցնում են, որ կյանքի որակը կախված չէ միայն գտնվելու վայրից. այն ձևավորվում է կայուն ու իրատեսական որոշումների միջոցով: Միգրացիան լուրջ ընտրություն է, և այն պետք է հիմնվի ոչ թե պատրանքների, այլ իրականության վրա:

Հայաստանում տեղական և միջազգային կազմակերպությունների, ինչպես նաև պետական կառույցների կողմից տարբեր ժամանակահատվածներում տարբեր աջակցության և/կամ բիզնեսի հիմնադրման հնարավորություններ են լինում, որոնք կարող են օգտակար լինել կյանքի դժվարին իրավիճակում հայտնված անձանց համար։ «Մարդը կարիքի մեջ» ՀԿ-ն և այլ կազմակերպություններ առաջարկում են սոցիալական ծառայություններ և աջակցություն՝ օգնելով մարդկանց գտնել նոր լուծումներ: Տասնյակ հասարակական կազմակերպությունների հետ համագործակցության շնորհիվ սոցիալական ծրագրերը կայացված են ինտերակտիվ քարտեզում։