Տարեցների շահերի պաշտպանությանն ու աշխատանքային իրավունքին ուղղված ծրագիր
Հրապարակվել է 02 դեկ, 2022 թ. Կարդալու ժամանակը՝ 1 րոպե Կիսվել Sdílet článek«Առաքելություն Հայաստան» կազմակերպությունը Եվրոպական միության կողմից ֆինանսավորվող «ԵՄ Քովիդ-19 համերաշխության ծրագիր Արևելյան գործընկերության երկրների համար» ծրագրի շրջանակում «Մարդը կարիքի մեջ» ՀԿ-ի հետ համագործակցությամբ իրականացնում է տարեցների շահերի պաշտպանության արշավ։
Արշավն ուղղված է նպաստելու հակախտրական աշխատանքային օրենսդրության բարելավմանը ՀՀ-ում՝ խթանելով հանրային մասնակցությունը 63 և ավելի տարիք ունեցող աշխատունակ անձանց պոտենցիալն իրացնելու ու գիտելիքները կիրառելու, ինչպես նաև նպաստելու աշխատանքային օրենսդրության իրականացման նկատմամբ պետական վերահսկողության բարձրացմանը։
Տարեցների շահերի պաշտպանության արշավի շրջանակում տարեցների աշխատելու իրավունքի իրացման հնարավորություն ունենալու կարևորությունն ու անհրաժեշտությունը որոշում կայացնողների, հասարակայության ավելի լայն շերտերի համար հասանելի դարձնելու նպատակով՝ պատրաստվել և սոցիալական հարթակներով տարածվել են տարեցների մասնակցությամբ տեսահոլովակը, աշխատելու կարևորության մասին տարեցների մեջբերումներով լուսանկարները։ Որոշում կայացնողների մակարդակում տարեցների աշխատանքային իրավունքի իրացման անհրաժեշտության բարձրաձայնման նպատակով իրականացվել է օրենսդրության վերլուծություն և առաջարկների փաթեթի կազմում, ռադիոհաղորդում՝ շահագրգիռ կողմերի մասնակցությամբ, ինչպես նաև որոշում կայացնողների հետ հանդիպում քննարկում։
Շահերի պաշտպանության արդյունքում տարեցների աշխատելու իրավունքի կարևորությունն ու անհրաժեշտությունը բարձրաձայնվել է որոշում կայացնողների մակարդակում, ներառվել վերջիններիս օրակարգ, ինչպես նաև բարձրացել է հասարակության իրազեկվածությունն ու գիտակցումը տարեցների զբաղվածության ապահովման անհրաժեշտության և կարևորության մասին։
