Խոհարարության դասընթաց

Խոհարարության դասընթացները կիրականացվեն հայտնի խոհարար Սեդրակ Մամուլյանի կողմից, ով «Հայկական խոհանոց» բրենդը լավագույնս ներկայացրել է նաև արտերկրում։

Մասնագիտական ծրագիրը յուրօրինակ և եզակի է, քանի որ մշակվել է ղարաբաղյան խոհանոցային առանձնահատկությունների և ճաշատեսակների հիմքի վրա: Ծրագրում ընդգրկված են հացամթերքի, խմորեղենի և հրուշակագործության դասընթացներ, որոնց ծավալը, ըստ շահառուի նախասիրության, կարող է ընդլայնվել: Նախատեսված են նաև ղարաբաղյան լեռների ու մարգագետիների բույսերով համեմված և այսօր ընդհանուր ճաշացանկերից դուրս մնացած ուտեստների բաղդրատոմսերի ուսուցում և պատրաստում:

Դասընթացները կանցկացվեն Երևանում, ինչպես նաև Սյունիքի, Վայոց ձորի, Արարատի և Կոտայքի մարզերի համապատասխանաբար Գորիս, Եղեգնաձոր, Արտաշատ և Հրազդան քաղաքներում: Տևողությունը շուրջ վեց շաբաթ է՝ ընդհանուր ժամաքանակը` շուրջ 100 դասաժամ: Ուսուցման և գործնական հմտությունների որակն ապահովելու նպատակով մասնակիցների խմբերը կլինեն փոքրաթիվ և կձևավորվեն մրցութային սկզբունքով։ Մրցութային պայմաններում առաջնահերթությունը տրվում է Սյունիքի, Վայոց ձորի, Արարատի, Արմավիրի և Կոտայքի մարզերում բնակվող անձանց: Դասընթացներին առանց բացակայությունների մասնակցած և ավարտական քննությունները հաջողությամբ հանձնած շահառուները կստանան համապատասխան հավաստագրեր: Շահառուները հնարավորություն կունենան ստանալ մասնագիտական գործիքներ:

Դասընթացները կանցկացվեն ս․թ․ ապրիլի 11-ից մինչև մայիսի 24-ը՝ հետևյալ հասցեներում՝

• Երևան, Մադոյան 9, «Սեդրակ Մամուլյանի խոհարարական ստուդիա»
• Կոտայքի մարզ, Հրազդան, միկրոշրջան թաղամաս, Մարշալ Բաղրամյան 5/4, ք, «Նոյ» ռեստորան
• Սյունիքի մարզ, Գորիս, Ավանգարդ 4, «Գորիսի պետական քոլեջ» ՊՈԱԿ
• Վայոց ձորի մարզ, Եղեգնաձոր, Սպանդարյան 3, «Վայոց ձորի տարածաշրջանային պետական քոլեջ»
• Արարատի մարզ, Արտաշատ, Աթաբեկյան 156, «Արարատի տարածաշրջանային պետական քոլեջ»: 

Խոհարարության դասընթացների հայտերի ներկայացման վերջնաժամկետն ապրիլի 7-ն է:

 Յուրաքանչյուր մարզի դասընթացները կացնկացվեն մեկ վայրում․ շահառուները պետք է գրանցվեն իրենց բնակավայրին մոտ գտնվող խմբերում։ Հայտագրման և/կամ հավելյալ տեղեկություն ստանալու համար զանգահարել՝ 

• Երևանի պատասխանատու՝ Դիանա Միրզոյան․ հեռ․ 055473078
• Կոտայքի մարզի պատասխանատու՝ Շիրագ Քրուզյան․ հեռ․ 093308406
• Արարատի մարզի պատասխանատու՝ Հեղինե Բաբաջանյան․ հեռ․ 094504484
• Վայոց ձորի մարզի պատասխանատու՝ Անի Եղիազարյան․ հեռ․ 098909411
• Սյունիքի մարզի պատասխանատու՝ Արփինե Մկրտչյան․ հեռ․ 077442878

«REACT. հակամարտությունից տուժած անձանց հումանիտար աջակցության և ինտեգրման ծրագրի» շրջանակում կազմակերպվող խորհրդատվությունն ու դասընթացները նպատակ ունեն բարելավելու շահառուների մասնագիտական կարողություններն ու ստեղծել աշխատանքի նոր հնարավորություններ նրանց համար: Մասնագիտական դասընթացներն անցկացվում են ոլորտի լավագույն մասնագետների կողմից: «Մարդը կարիքի մեջ» ՀԿ-ն կազմակերպում է նաև մասնագիտական այլ դասընթացներ, հետևյալ ուղղություններով․

• Մեղվապահություն
• Հրուշակագործություն
• ՏՏ հմտություններ
• Հաշվապահություն
• Պանրագործություն
• Կոշկակարություն
• Զոդող
• Ավտոտեխսպասարկում

Յուրաքանչյուր դասընթացնի մասին մանրամասն տեղեկատվություն կհրապարակվի «Մարդը կարիքի մեջ» ՀԿ-ի կայքում և ֆեյսբուքի էջում։

Մասնագիտական կրթության կարճաժամկետ դասընթացներն իրականացվում են «Մարդը կարիքի մեջ» ՀԿ-ի կողմից «REACT. հակամարտությունից տուժած անձանց հումանիտար աջակցության և ինտեգրման ծրագրի» շրջանակում: REACT ծրագիրը իրականացվում է Եվրոպական միության ֆինանսավորմամբ և «Մարդը կարիքի մեջ» ՀԿ-ի, Տեխնիկական համագործակցության և զարգացման գործակալության (ACTED), «Հայաստանի սոցիալական աշխատողների ասոցիացիա» և «Առաքելություն Հայաստան» ՀԿ-ների հետ համագործակցությամբ: Ծրագրի, ինչպես նաև կոնսորցիումի անդամների կողմից իրականացվող ծրագրերի մասին կարդալ այստեղ: