Ամփոփվել է «Ճամպրուկ» ամենամյա լրագրողական մրցույթը

Գլխավոր մրցանակին են արժանացել «Հետք» մեդիա գործարանի լրագրողներ Լուսինե Մանվելյանը, Սեդա Առաքելյանը և Քրիստինա Ավանյանը իրենց «Մենք այլևս չէինք զգում, որ մեր երկրում ենք». ինչու են ռուսաստանցիները վերաբնակվում Հայաստանում» նյութով։

Երկրորդ մրցանակին արժանացել է EVN report լրատվականի թղթակից Անահիտ Հարությունյանը իր «Հիվանդությունից ձերբազատվելու հրաշքի սպասումը Գերմանիայում» 2 մասից բաղկացած նյութով։

Երրորդ մրցանակին արժանացել են միաժամանակ երկու հեղինակ․

Ampop.am լրատվամիջոցը ներկայացնող Սուրեն Դեհերյանը «Պանդխտության ճանապարհին․ Պատերազմից փախած ուկրաինացի կանանց պատմությունները»  նախագծով և EVN Report-ի թղթակից Գոհար Աբրահամյանը «Տեղահանություն. սկսելով նորից․․․ ու նորից» հոդվածով։ Գոհարը անցյալ տարի հաղթել էր «Ճամպրուկ» մրցույթը։

Եվս 5 հեղինակ արժանացել են խրախուսական մրցանակների․

• Գրիգոր Հարությունյան, «Հրապարակում», «Փախստականի կարգավիճակ ստանալու համար ստացվել է ավելի քան 700 դիմում»։

• Արմինե Ավետիսյան, iwpr.net, “ Armenian Migrants to EU Face Rejection”։
  
• Սոնա Մարտիրոսյան, jam-news.net, «Ոչ հայրենիք, բայց տուն»․ ինչպես են փախստականներն ապաստան գտնում Հայաստանում։ 
• Գայանե Սարգսյան, jam-news.net, «Հայաստանը կարող է կրկնել Սինգապուրի հաջողությունը»․ Ռուսաստանից տեղափոխված գործարարներ։ 
• Հասմիկ Դիլանյան, Հանրային ռադիո, «Կհանձնեն մատնահետք, կանցնեն բուժզննում․ ՌԴ միգրացիոն խստացումները ուժի մեջ են»։