Հոգեբանական կայունություն և հարմարվողականություն Արցախից տեղափոխված դպրոցականների և նրանց ծնողների համար
«Արտ-թերապիայի հայկական ասոցիացիա» ՀԿ
Հոգեբանական կայունության և հարմարվողականության ապահովումն Արցախից բռնագաղթված երեխաների և նրանց ծնողների համար հանդիսանում է առաջնահերթություն, քանի որ նրանք ենթարկվել են տրավմատիկ իրադարձությունների, որոնք կարող են ազդել նրանց հոգեբանական առողջության վրա։ «Հոգեբանական կայունություն և հարմարվողականություն Արցախից տեղափոխված դպրոցականների և նրանց ծնողների համար» ծրագիրը նպատակ ունի գնահատել և բարելավել այս խմբի հոգեբանական բարեկեցությունը՝ կիրառելով համապատասխան միջամտություններ։
Այս ծրագրի շրջանակներում իրականացվել է հետազոտություն, որի հիմնական նպատակն էր
- Հստակեցնել Արցախի պատերազմի և բռնի տեղահանության հետևանքով առաջացած հոգեբանական ազդեցությունները,
- Բացահայտել երեխաների և նրանց ծնողների հիմնական հուզական և վարքագծային խնդիրները,
- Արձանագրել ուսուցիչների դիտարկումները և դրանց հիման վրա մշակել միջամտության առաջարկներ,
- Նպաստել հոգեբանական աջակցության ծրագրերի մշակմանն ու բարելավմանը։
Հետազոտության մասնակիցները․
- Երեխաներ (7-15 տարեկան) – 152
- Ծնողներ – 127
- Ուսուցիչներ – 103 (ներկայացրել են 103 երեխայի վերաբերյալ գնահատականներ)
Հետազոտությունը իրականացվել է «Արտ-թերապիայի հայկական ասոցիացիա» ՀԿ-ի կողմից՝ «Մարդը կարիքի մեջ» ՀԿ-ի՝ «Միգրացիայի կառավարման համակարգի ամրապնդումը Հայաստանի Հանրապետությունում» ծրագրի շրջանակում։ Ծրագիրը համաֆինանսավորվում է Եվրոպական միության կողմից` Միգրացիոն գործընկերության գործիքի (MPF) շրջանակում և Միգրացիոն քաղաքականության մշակման միջազգային կենտրոնի (ICMPD) միջոցով: Բովանդակության համար պատասխանատու է «Արտ-թերապիայի հայկական ասոցիացիա» ՀԿ-ն, և պարտադիր չէ, որ այն արտահայտի Եվրոպական միության կամ «Մարդը կարիքի մեջ» ՀԿ-ի տեսակետները: