5 պատճառ Տանձավեր այցելելու համար

Հրապարակվել է 01 սեպ, 2020 թ. կարդալու ժամանակը՝ 4 րոպե
5 պատճառ Տանձավեր այցելելու համար
© Foto: Absolute Armenia

Absolute Armenian գրում է․ «Երբ վերջերս Սյունիքում էինք, առիթ ունեցանք այցելել նաև Տանձավեր՝ փոքր և հեռավոր մի գյուղ, որը բավականին մոտ է Տաթևին ու Կապանին։

Մենք չգիտեինք, թե ինչ կարելի է ակնկալել այդպիսի փոքր, բայց գեղեցիկ վայրից, բայց հիմա՝ հեռանալուց հետո, մենք կարծում ենք, որ պետք է ամեն ինչ մի կողմ թողնել գոնե մի քանի օրով և ուղևորվել դեպի Տանձավեր:

Այս ուղեցույցը ներկայացնում է 5 գործողություն, որ պետք է կատարվի Տանձավերում։ Հաշվի առեք, որ այն շատ փոքր տեղ է, և հարկավոր է մի փոքր դանդաղեցնել ճանապարհորդությունը և վայելել այնտեղ անցկացրած ամեն մի վայրկյանը»:

Տանձավերի մասին

Տանձավեր գյուղը գտնվում է Սյունիքի մարզում և տեղակայված է ծովի մակարդակից 1200-1500 մ բարձրության վրա: Այն տարածվում է Բարգուշատի լեռնաշղթայի հարավարևմտյան լանջերով և Կապանի շրջանի ամենահին գյուղերից մեկն է:

Իրականում այնտեղ շատ մարդ չի ապրում․ ընդամենը 34 ընտանիք: Իսկ դպրոցում սովորում է միայն 7 աշակերտ:

Տանձավերը փոքր, բայց պատմական գյուղ է: Ըստ 13-րդ դարի պատմիչ և Սյունիքի արքեպիսկոպոս Ստեփանոս Օրբելյանի՝ «Տանձավայր» գյուղը բնակավայր էր, որը ութ միավոր հարկ վճարեց Տաթևի վանքին:

Արդյունքում, այսօր գյուղում դուք դեռ կարող եք գտնել քրիստոնեական հուշարձաններ (օր․՝ Սուրբ Ստեփանոսի 15-րդ դարի եկեղեցին):

Տանձավեր գյուղով այդքան հիացած լինելու պատճառը այն էր, որ գյուղը կատարյալ էր հանգստի համար: Բնությունը կարծես շնչում էր: Գյուղը հարմար է նաև արկածախնդիր ճանապարհորդների համար:

Քայլարշավի և այլ հնարավորություններ կան բոլոր տեսակի բնության սիրահարների համար, և ոչինչ այդքան էլ դժվար չէր թվում։

Տանձավերը նաև արկածային ժամանակակից վայր է: «Պեգասուս Տանձավեր»-ի տարածքում էլեկտրական հեծանիվ վարելու և գյուղի միջով անցնող Լեգենդների արահետում զբոսնելու համար։ 

Մենք կարող ենք հավաստիացնել, որ շուտով Տանձավերը կլինի ձեր ուղղություններից մեկը։ Այնքա՜ն հրաշալի տեղ էր:

Ի՞նչ կարող եք անել Տանձավերում

1․ Ուսումնասիրեք Լեգենդների արահետը

 «Լեգենդների արահետ»-ը ԵՄ կողմից ֆինանսավորվող ծրագիր է` արահետի հարակից գյուղերում և քաղաքներում համայնքները զարգացնելու և աղքատությունը նվազեցնելու առաքելությամբ:

Ծրագիրը խթանում է գյուղական համայնքների զարգացումը, որոնք մինչ այժմ հնարավորություն չեն ունեցել օգտվել զբոսաշրջության զարգացման, ներդրումներից և ենթակառուցվածքային բարելավումից:

Արահետը ձգվում է Խնձորեսկից Խուստուփ՝ շուրջ 250 կմ արահետի երկայնքով։

Արահետը հնարավորություն է տալիս ուսումնասիրել տարածքում գտնվող տպավորիչ և գեղատեսիլ մշակութային տեսարժան վայրերը, ինչպես նաև ճանապարհին բացահայտել բազմաթիվ նոր ու հետաքրքիր բիզնես գաղափարներ։ Գյուղական համայնքները հույս ունեն օգտվել Հայաստան այցելող զբոսաշրջիկների աճող թվաքանակից և ինչի հնարավորությունն էլ ստեղծում է Լեգենդների արահետը։

Լեգենդների արահետի և դրա շուրջ 30 բնակավայրի զարգացման նպատակով՝ ծրագրի իրականացման ընթացքում մշակվել են զբոսաշրջային բազմաթիվ էկո նախաձեռնություններ: Դրանցից ոմանք գտնվում են Տանձավերում և ընդգրկել ենք այս ուղեցույցում:

2․ Էլեկտրական հեծանիվներով ճամփորդեք դեպի Անդոկաբերդի ամրոց և Ղալաբոյ ջրվեժ

Տանձավերի զբոսաշրջության նորագույն հնարավորություններից մեկը էլեկտրական հեծանվավարությունն է: Արամը հնարավորություն ունեցավ հանդիպել Միքայելին և Պալոմային, և ուսումնասիրել Տանձավերի անտառները։

Էլեկտրոնային հեծանիվներով շրջել են մի շարք տեսարժան վայրերով, Չայ Զամա լճի մոտակայքում՝ հասնելով մինչև Անդոկաբերդ կոչվող լքված ու անհայտ ամրոց:

Էլեկտրոնային հեծանվով նա հասավ նաև անտառի խորքում գտնվող գաղտնի Ղալաբոյ ջրվեժ։

Հետևեք նրանց ֆեյսբուքյան էջին՝ Տանձավերում հեծանվային արշավներին ծանոթանալու համար:

3. Ընտանեկան հանգիստն անցկացրեք Քնարիկի հյուրատանը

Տանձավերում իմ ամենասիրելի անկյուններից մեկը Քնարիկի հյուրատունն է, նոր՝ ընտանեկան հյուրանոց, որը գտնվում է գյուղի սրտում:

Հյուրատունը հարմարավետ և հանգստանալու համար իդեալական վայր է։ Այն ճաշկերույթները, որոնք մենք ունեցել ենք այնտեղ, պարզապես հիանալի էին: Ես դեռ հիշում եմ և կարոտում այն թարմ աղցանները և բանջարեղենից պատրաստված ուտեստները, որոնք նրանք մատուցում էին:

Ընտանիքը այնքան բարի էր և հյուրասեր, որ մեզ ստիպեց զգալ ինչպես նրանց ընտանիքի մի մասնիկը:

Ներկայումս Քնարիկի հյուրատունն ամրագրելու լավագույն միջոցը «Պեգասուս Տանձավեր»-ին դիմելն է։ Հետագայում կփորձենք թարմացումներ հրապարակել:

4․ Զբոսնեք Կախարդական անտառում` արվեստի թանգարանում

Տանձավերի մեկ այլ իսկապես բացառիկ վայր է Կախարդական անտառը: Այն Հայաստանում արվեստի և բնության առաջին թանգարանն է, և արժե այցելել, եթե Դուք բնության և արվեստի սիրահար եք:

Արվեստի այս թանգարանը ստեղծվել է Լեգենդների արահետի՝ «Կախարդական անտառ» նախաձեռնության շրջանակում։

Ընդհանուր թվով արվեստի 10 նմուշ է ստեղծվել ինչպես տեղի, այնպես էլ արտերկրի արտիստների կողմից։

Անամպ օրերին Աշխարհատես լեռան լանջից հնարավոր է տեսնել նաև Իրանը։ 

5. Այցելեք Սուրբ Ստեփանոս և Սուրբ Հռիփսիմե եկեղեցիներ

Տանձավերում քրիստոնեական հուշարձաններից մեկը 15-րդ դարի Սուրբ Ստեփանոս եկեղեցու ավերակներն են:

Արժե այցելել նաև 1705 թվականիին կառուցված Սուրբ Հռիփսիմե եկեղեցին: Այն եռաստիճան բազիլիկայի տիպի է և խորհրդային միության տարիներին օգտագործվել է որպես հացահատիկի պահեստ:

Ինչպե՞ս գնալ Տանձավեր

Գյուղը Հայաստանի ամենահասանելի վայրը չէ ... բայց այն կառուցման ընթացքի մեջ է: Տանձավեր տանող ճանապարհը նորոգվում է, ինչը նոր շունչ կհաղորդի գյուղին։

Խորհուրդ ենք տալիս դեպի հարավ հասնել երթուղայինով, ապա տաքսի ծառայությունների օգնությամբ էլ՝ Տանձավեր։ 

Այնուամենայնիվ, Տանձավեր հասնելու ամենալավ միջոցը քայլարշավն է: Գյուղը Լեգենդների արահետի մի մասն է, և եթե դուք ճանապարհորդ եք, դա մի հիանալի և երկարատև կանգառի հնարավորություն է։

Որտե՞ղ մնալ Տանձավերում

Խորհուրդ ենք տալիս մնալ Քնարիկի հյուրատանը։ Հնարավոր է, որ գյուղում մի փոքր ցուրտ լինի, նույնիսկ ամռան կեսին: Սակայն, վստահ եղեք, որ կկարողանաք պահպանել մարմնի նորմալ ջերմաստիճանը, երբ Քնարիկի հյուրատանն եք։

Մեկ այլ տարբերակ նրանց համար, ովքեր փնտրում են գիշերելու ավելի հետաքրքիր տարբերակ, ARK Eco Camp-ն է: Փոքր և կայուն տնակները տեղակայված են գյուղում և շրջապատված են զարմանահրաշ տեսարաններով:

Այնտեղ կա տաք ցնցուղ։ Այնուամենայնիվ, վերցրեք ձեր քնապարկը։ Գիշերը բավականին ցուրտ է, նույնիսկ ամռան կեսին (ես այնտեղ էի հուլիսին):

Սեղմեք այստեղ` ARK Eco Camp-ի մանրամասներին ծանոթանալու համար։

* Տանձավեր այցը կազմակերպվել էր Եվրոպական միության և People in Need կազմակերպության հայաստանյան ներկայացուցչության «ԵՄ-ն զբոսաշրջության զարգացման համար․արկածային տուրիզմի զարգացում պատմական Սյունիքում» ծրագրի և Ark Armenia-ի հետ համագործակցության շնորհիվ։ 

Աղբյուր՝  Absolute Armenia

Autor: Absolute Armenia, Absolute Armenia, թարգմանություն՝ PIN Հայաստան